ທ່ານ ສີ ຈິ້ນຜິງ ພົບປະກັບນາຍົກລັດຖະມົນຕີປາກິດສະຖານ
ໂທລະພາບແຫ່ງ ສປ ຈີນ ລາຍງານ ວັນທີ 7 ມິຖຸນາ 2024 ຜ່ານມານີ້ວ່າ: ຢູ່ນະຄອນຫຼວງປັກກິ່ງ, ທ່ານ ສີ ຈິ້ນຜິງ ປະທານປະເທດ
ຈີນ ໄດ້ພົບປະກັບ ທ່ານ ມູຮຳມັດ ຊາບັສ ຊາຣິຟ ນາຍົກລັດຖະມົນຕີປາກິດສະຖານ ໃນໂອກາດທີ່ທ່ານເດີນທາງມາຢ້ຽມຢາມປະເທດຈີນ
ຢ່າງເປັນທາງການ. ທ່ານ ສີ ຈິ້ນຜິງ ກ່າວວ່າ: ຈີນ ແລະ ປາກິດສະຖານ ເປັນປະເທດບ້ານໃກ້ເຮືອນຄຽງທີ່ມີສາຍພູ ແລະ ແມ່ນ້ຳລຳເຊຕິດ
ຈອດກັນ, ເປັນເພື່ອນມິດທີ່ຊື່ສັດ ແລະ ຍຸຕິທຳຕໍ່ກັນ, ເປັນຄູ່ຮ່ວມທີ່ດີທີ່ຊ່ວຍຊູຍູ້ໜູນກັນ ແລະ ເປັນອ້າຍນ້ອງທີ່ທຸກສຸກຮ່ວມກັນ. ຝ່າຍຈີນ
ຍິນດີຮ່ວມກັບຝ່າຍປາກິດສະຖານ ເດັດດ່ຽວສະ ໜັບສະໜູນເຊີ່ງກັນ ແລະ ກັນ, ຮັດແໜ້ນການຮ່ວມມືລະຫວ່າງສອງຝ່າຍ, ລົງເລິກການ
ປະສານງານທາງຍຸດທະສາດ, ເລັ່ງລັດການສ້າງຄູ່ຮ່ວມຊາຕາກຳຈີນ-ປາກິດສະຖານ ທີ່ແໜ້ນແຟ້ນກວ່າເກົ່າໃນຍຸກໃໝ່, ປະກອບສ່ວນອັນ
ໃຫຍ່ຫຼວງກວ່າເກົ່າເພື່ອສັນຕິພາບ, ສະຖຽນລະພາບ, ການພັດທະນາ ແລະ ຄວາມຈະເລີນຮຸ່ງເຮືອງຂອງພາກພື້ນ.
ໃນໂອກາດດັ່ງກ່າວ, ທ່ານ ມູຮຳມັດ ຊາບັສ ຊາຣິຟ ກໍໄດ້ກ່າວວ່າ: ທ່ານປະທານ ສີ ຈິ້ນຜິງ ສຸມໃສ່ຄວາມຜາສຸກຂອງມວນມະນຸດ,
ຕັ້ງໜ້າຊຸກຍູ້ສັນຕິພາບຂອງໂລກ, ມີຈຸດຢືນໃຫ້ສົນທະນາກັນແຕ່ບໍ່ແມ່ນການເປັນປໍລະປັກກັນ; ຂໍ້ລິເລີ່ມການຮ່ວມກັນສ້າງ “ໜຶ່ງແລວໜຶ່ງ
ເສັ້ນທາງ”, ຂໍ້ລິເລີ່ມການພັດທະນາທົ່ວໂລກ, ຂໍ້ລິເລີ່ມຄວາມໝັ້ນຄົງທົ່ວໂລກ ແລະ ຂໍ້ລິເລີ່ມອະລິຍະທຳທົ່ວໂລກ ທີ່ທ່ານປະ ທານ ສີ ຈິ້ນ
ຜິງ ສະເໜີອອກມານັ້ນໄດ້ເປັນການຊີ້ທິດເຍືອງທາງດ້ານຍຸດທະສາດ ໃນການແກ້ໄຂບັນ ຫາຕ່າງໆທີ່ໂລກພວມປະເຊີນຢູ່ໃນປັດຈຸບັນ, ຊຸກ
ຍູ້ການສ້າງໂລກທີ່ມີສັນຕິພາບຫຼາຍກວ່າເກົ່າ ແລະ ດີງາມກວ່າເກົ່າ, ຝ່າຍປາກິດສະຖານ ຂໍສະແດງຄວາມຊົມເຊີຍຢ່າງສູງ ແລະ ຈະສຸມ
ທຸກກຳລັງໃນການສະໜັບສະໜູນຕໍ່ຂໍ້ລິເລີ່ມດັ່ງກ່າວ.
ແຫຼ່ງທີ່ມາ: ໜັງສືພິມກອງທັບ
ວັນທີ 11/06/2024